TI SAPATAMI


Dakami nga opisiales ken empleado ti EMB Region 1,

isapatami ken ipanamnamami ti mangipaay iti dekalidad a serbisio publiko,

nga agserbikami a naalibtak ken sippudno,

nga awan ti idumdumami kadagiti pagserbianmi a tattao,

ken agtalinaedkami a nadayaw ken naasikaso iti amin a tiempo serbisyo.

PANGGEP

Mangitandudo iti nalawag a pannakaipakaammo ken pannakailawlawag iti publiko dagiti kangrunaan nga annuroten wenno pagalagadan ti opisina. Mairaman pay ti pannakasangal dagiti pagrukodan tapno simple ken napardas ti serbisio kadagiti tattao.

MANDATO

Maysa a line agency ti EMB kas sagudayen ti seksion 34 ti Philippine Clean Air Act ti 1999 (RA 8749). Ti EMB ti mangipatungpal kadagiti sangkapagilian kadagiti sumaganad nga innem (6) nga kangrunaan a paglintegan iti aglawlaw:

  • Environmental Impact Assessment Law (PD 1856)
  • Toxic Substances and Hazardous Waste Management Act (RA 6969)
  • Clean Air Act of 1999 (RA 8749)
  • Ecological Solid Waste Management Act (RA 9003)
  • Clean Water Act (RA 9275)
  • Environmental Awareness and Education Act of 2004 (RA 9512)

DAGITI PAGREBBENGAN/ARAMIDEN TI EMB

A. Pakaammuanna sekretario ti DENR kadagiti bambanag maipanggep ti Environmental Management.
B. Agaramid kadagiti plano, pagannurotan ken umisu nga Environmental Quality Standards (danum, angin ken arimbangaw) para iti pannakaatipa, pannakatengngel ti prolusion ken pannakasaluad ti aglawlaw.
C. Agited kadagiti “permits” ken “clearances” iti babaen ti RA 8749, RA 9003, RA 9275, RA 6969 ken PD 1586 ken monitorenna ti pannakasurot dagitoy nasao a linteg.
D. Mangipaay iti Secretarial Support iti Pollution Adjudication Boar kas ibilin ti EO 192.
E. Mangipaay iti Secretarial Support iti National Solid Waste Management Commision kas nailanad iti seksion 4 ti RA 9003.
F. Mangaramid ken mangaipatungpal iti maysa a Research  ken Development Program a pangsuporta kadagiti sumaganad:

  • Environmental and Compliance Monitoring; and
  • Study of existing and potential Environmental Problems and Issues
G. Mangipatungpal iti sistema para ti pannakabigbig dagiti Environmental Laboratories.
H. Mangisaknap iti impormasyon publiko ken edukasyion a pangawis ti partisipasion dagiti napakaamuan nga umili iti Environmental Quality Planning and Monitoring.
I. Agserbi a kas kangrunaan nga ahensia para kadagiti Internasional a katulagan/pakaikumitan.

MISSION

Ti mangisubli, mangsalaknib ken mangpasayaat iti kalidad ti aglawlaw para iti naimbag a salun-at ti publiko, aglawlaw, integridad ken mangpapigsa iti kaipapananna.

SIRMATA (VISION)

Ti napabileg a pagilian a mangsalaknib kadagiti adda a nakaisigudan a pagsanikuan a maibagay iti mataginayon a panagdur-as, para iti nadalus ken nasalun-at nga aglawlaw a mangpasayaat iti kalidad ti biag para iti agdama ken sumarsaruno a kapututan.

Click to download Citizen’s Charter (Ilocano Version)